I-HOLLYWOODBETS kanye neLALIGA , yaseSpain, bafisa ukwazisa izakhamuzi zaseSouthi Africa ukuthi abadlali abane beHollywoodbets South Africa Super League 2022, baqhubeka kanjani nokuzilolonga neVillareal CF. Labadlali abane baqeda kundizela phesheya kwezilwandla lapho beyothola khona uqeqesho nkanye nesipiliyona. UBoitumelo Rabale, Nthabiseng Majiya, Nompumelelo Nyandeni kanye no Katlego Moletsane , yibona abaqokwa ukuba bayozilolonga neqembu i-Villareal nokuthola isipiliyone lweSpanish Football kanye nesikompilo yakuleliyazwe. Laba abane bafika mhlaka 27 January 2024, kuleliyazwe eselibalulwe ngenhla, beyozilolonga neqembu labesifazane lase-Spain , baphinde bacobelele ulwazi lokdlala ibhola likanobhutshuzwayo. “ Labadlali bazophinde bathola ithuba lokuvakashela indawo Estadio de la Ceramica okuyinkundla eneminyaka engu-100 yaba khona,” kusho uNksz Kuhle Mkize , oyiHollywoodbets PR and Communications Manager. Uqhube wathi ngoba besekuhambeni lapho beyoqeqeshwa khona , bazophinde bathole ithuba lokuthi bahlangane nomdlali webhola likanobhutshuzwayo labesilisa uMnu Eric Bailly weVillareal first team, ongowokudabuka e-Ivory Coast. UMnu Baily ujabule kakhulu ngokuba ezohlangana nabadlali base-South Africa, othe kuye koba injabulo ukuhlangana nabadlali besifazane base South Africa. Uqhube wathi iVillareal iyiqembu elihamba phambili eSpain. Uqhube wathi uBailly esitatimendeni yona ujabule kakhulu ukuthi azohlangana nabadlali base-Afrika , besesi Spain, bethola ukuvelele kulelizwe. UNthabiseng uthe ujabule kakhulu ngokuthi athole ukuthatha loluhambo. “ Ngijabule kakhulu ukuthi ngibe inxenye yaloluhamba oluhlabahlosile kangaka, “ kusho yena, eqhuba ethi, ukuvakashela kuleliyazwe nokuthi ngithole lesipiliyona kungenza ngijabule kakhulu.UMnu Morgan Shandu oyiHead of Operations e-Hollywoodbets uthe bona njenhlangano yokugembula bayakujabulela ukuthi ngokubeka noma ukuqinisekisa ukuthi bayatshala kubantu besifazane abadlala ibhola likanobhutshuzwayo. Uthe bona bayajabula kakhulu ukuba yinxenye yabantu besifazane baseSouth Africa, ngoba bathatha ibhola lezinyawo lesifazane balibeka kwelinye izinga. “ Loluhambo lungolubaluleke kakhulu, kanti nokubambisana kweHollywoodbets kanye neLALIGA, kuhle kakhulu,” esho. Eqhuba ngokuthi kuyithuba elingajwayelekile leli, nokuveza amakhono kwabesifazane abasebancane. Uthe leli thuba liyigqayisivele ukuvumbulula amakhono.
