NGABALANDELI kanyenabadlali be-Red Swallows bejabulela ukunqoba kowamanqamu ngeSonto. Izithombe. Celumusa Hadebe
IQEMBU lebhola likanobhutshuzwayo elidlala ngaphansi kweSAFA Amajuba Hollywoodbets Regional League, kulindeleke ukuba liyoqhudelana namanye ezinkundleni zomdlalo ePietermaritzburg lapho kuzobe kuyohlungwa (play offs), khona azophumelela ekundluleleni kwesinye isigaba iABC Motsepe League,emva kokuba libhaxabule i-Newcastle Warriors ngegoli elilodwa kwelingekho ezinkundleni zemidlalo Osizweni, ngesonto esiphuma kulo. Kuvelile ukuthi uma leli qembu linqoba lizondlulela kulesigaba esesibalulwe ngenhla. Amaqembu azoqhudelana aqhamuka Umkhanyakyde (IKhambi F.A), eThekwini, Ugu (XI experience), Umzinyathi, Ilembe, Zululand, Umgungundlovu, Harry Gwala, Amajuba (Red Swallows), King Cetshwayo kanye no Uthukela kanti mabili amaqembu okumele andlulele kulesigaba esesibalulwe ngenhla.
