YIZAKHAMIZI ngenkathi kubuyiselwa ama transformer.Isithombe.SITHUNYELWE
INHLANGANO ephehla iphinde iphakele ugesi izakhamizi kanye nezimboni e-South Africa ,i-Eskom imatasatasa ibuyisela ama transformer ewakhiphe emva kokuba ecekelwe phansi izimvula ezinamandla ebezihambisana nesiphepho ngempelasonto esiphuma kuyo.
Kukholakala ukuthi inhlangano ephehla iphinde iphakele ugesi i-Eskom kuphoqelekile ukuthi iwakhiphe ama transformer abecekelwe phansi zimvula ezinamandla kanti kumanje imatasatasa ifake amanye amatransformer.
UNgqongqoshe wezokuBusa ngokuBambisana neziNdaba zoMdabu KwaZulu-Natal uMfu Thulasizwe Buthelezi uthe esitatimendeni:” Inkampani ephehla iphinde iphakele ugesi i-Eskom imatasatasa ibuyisela ama transformer ewakhiphe emva kokuba ecekelwe phansi izimvula ezinamandla ebezihamba nesiphepho ezishiye abantu abaningi dengwane ngempelasonto.”
Uqhube wathi uyabonakala umehluko endaweni yase Mondlo ngoba sekubuyiselwe ama transformer angu-13 kwangu-18, kanti nokukhanya kukagesi sekusebenza njengokujwayelekile.
“Ukubambisana phakathi komnyanga wezoMdabu kanye nalenhlangano ephehla iphinde iphakele ugesi i-Eskom, kuthela izithelo ezinhle ngoba asebuyiselwe amanye ama transformer,” esho esitatimendeni.
“ Sibonga kakhulu lenhlangano ephakele ugesi ngokusebenza ngokukhulu ukuzikhandla ukuze ibuyisele mbani kwizakhamizi, ezikhahlamezekile.
“ UNgqongqoshe uphinde wavakashela izakhamizi ezikhahlanyezwe ilezimvula ezinamandla, kuloMasipala Abaqulusi, kanti uhambisana nezikhulu zikamasipala kanye nababhekelele ezezinhlekelele,” kuqhuba okhulumela lomnyango uMnuz Senzo Mzila esitatimendeni.
Uphethe ngokuthi umnyango uzophinda usiqaphe isimo sokuthi umsebenzi uyaqhubeka ngendlela kanti futhi umphakathi uzokwaziswa ngenqubekela phambili.
