Izidlele amahlanga i-Beach Blitz yaseThekwini kwelebhola lo mqakiswano

IBEACH Blitz yaseThekwini ibaxabule  Inkosi All Stars yase King Cetshwayo ngamagoli angu-47kwangu-33 kumqhudelwano we 2026 Premier’s Netball Cup finals, obubanjelwe eManguzi Multi-Purpose Centre eNyakatho neKwaZulu-Natal.

Isitatimende esithunyelwe ngokhulumela uMnyango weZemidlalo namaSiko uBheki Ncube sithi:” uNgqongqoshe weZemidlalo uMntomuhle Khawula naye ubethamele le midlalo kanti futhi leli qembu iBeach Blitz seluwunqoba okwesibili lo mqhudelwano.

Uthe esitatimendeni, uKhawula ubehambisana nabaxhasi bawo lo mdlalo kanti amaqembu abeqhudelana abengu-12 aqhamuka kuzo zonke iziFunda zaKwaZulu-Natal.

Uphethe ngokuthi esitatimendeni, lethonamenti kusuke kuhloswe ngayo ukuhlungela abadlali abazodlalela i-Kingdom Stars  neKingdom Queens.