Kuvulwe ngokusemthethweni isikhungo sezobuCiko, eNewcastle
YIBAMBA le Meya yesiFunda Amajuba uKhansela Thembelihle Mthembe kanye noNgqongqongqoshe uMnuz Mntomuhle Khawula. Kwesinye izihambeli zomcimbi. Izithombe.ZITHUNYELWE
UNGQONGQONGQOSHE weZemidlalo, ubuCiko kanye namaSiko uMnuz Mntomuhle Khawula ehambisana nebamba le Meya yakuMasipala aMajuba uKhansela Thembelihle Mthembe, bavule ngokusemthethweni iskhungo sezobuCiko ,Osizweni Art Centre, Osizweni, eNewcastle , eNyakatho neKwaZulu-Natal, ngoLwesihlanu mhlaka 29 Meyi 2026.
Isitatimende esithunyelwe ngumnyango sithi:” ukuvulwa kwalesi sikhungo kuyizinkomba zebanga eselihanjiwe ekuqinisekisweni ukuthi ezobuCiko kanye nezamaSiko sibekwa eqhuwlini kanye nokuthuthukiswa komphakathi esiFundazweni saKwaZulu-Natal.”
Kuphinde kwavela ukuthi lo mcimbi wokuvulwa ngokusemthethweni kwalesi sikhungo kuqalwe ngokusikwa kweribhini (cutting of a ribbin), yizikhulu okubalwa kuzo uMeya uMthembu kanye noNgqongqoshe uKhawula.
Kuvelile ukuthi kwabekwa imali engu-R80 million ukuze silungiswe siphinde sithuthukiswe lesi sikhungo, njengoba siyisizinda samaciko, nabalingisi kanye nomphakathi wonkana ukuba usisebenzise.
“Lokhu kungukuqinisekisa kukahulumeni ukuthi izindawo zamasiko namagugu ethi ziyagcinwa, kanye nokuvunjululwa kwamakhono amaciko kanye nokuthuthukiswa kwentsha,”kusho isitatimende.
Siphinde sakuveza isitatimende, ukuthi kuphinde kwabungazwa i-Africa Day kanye ne Africa Month , kuvulwa lesi sikhungo ngokusemthethweni, kugqakanjiswa ezamasiko nobuntu, kanye nobumbano.
Isitatimende sipthethe ngokuthi, amaciko ebesina ededelana kulo mcimbi okubalwa kuwo omculo ohlukahlukene, ingoma , indlamu kanye nokunye.
