Amaphoyisa athungatha abasolwa abangu-13 abadune imoto yemali, eSherwood

AMAPHOYISA athungatha abasolwa abangu-13 , abadune imoto yemali emgwaqeni uN3 West bound, ngase Sherwood off  ramp ngoMgqibelo mhlaka 18 Julayi  2026.

Isitatimende esithunyelwe ngokhulumela amaphoyisa esiFundazweni saKwaZulu-Natal uSergeant Thenjiswa Ngcobo sithi:” Amaphoyisa athungatha abasolwa abangu-13 abadune imoto yemali.”

Uthe esitatimendeni, amaphoyisa aphenya icala lokubanjwa inkunzi kuhlonyiwe kanye nelokuzama ukubulala.

Uqhube wathi esitatimendeni, le migulukudu ibambe inkunzi imoto yemali kuhlonyiwe , yathatha izibhamu zonogada kanye nesamba semali esingaziwa , yabe isishaya utshani.

Uphethe ngokuthi esitatimendeni, ngaphambi kokuba le migulukudu ishaye utshani ibe isidubula onogada.