Imali yomsolwa wasePakistan ewu-R180 000, yamadola aseMelika idliwe uMbuso

IMALI yomsolwa wasePakistan oneminyaka ewu-68, ewu-R180 000 , yamadola aseMelika (R180 000 US Dollars), idliwe nguMbuso yafakwa ngaphansi kweCriminal Asset Recovery Account , ngoLwesihlanu mahlaka 28 June 2024.  Kuvelile ukuthi isinqumo sokuthi lemali ibuyele kuMbuso sithathwe ngoMarch walonyaka. Okhulumela amaHAWKS esifundazweni uLt-Col Simphiwe Mhlongo uthe esitatimendeni imali ewu-R180 000 , ifakwe kule akhawunti esibalulwe ngenhla. Uthe mhlaka 25 October 2023, amaHAWKS , Forfeiture Investigation besebinzisana ne-National Prosecution Authority Asserts Forfeiture Unit  bashaqa amadola aseMelika awuR180 000 ( 3 285 511,63) kumsolwa ongowokudabuka ePakistan, u-Idris Abdul Aziz oneminyaka ewu-68, esikhumulweni sezindiza i-King Shaka International Airport emva kokuba , kokuba ehlulekile ukuyidalula kwi-South African revenue nakuCustoms khona e-King Shaka.  Uthe u-Aziz wayezogibela indiza eyabe ilibangise ezweni laseDubai. “ AmaHAWKS kanye neDurban Serious Commercial Crime Investigation babizwa ukuba beze kulesikhumulo sezindiza, ngenkathi u-Aziz wayethweswe icala lokuphula umthetho we- Currency and Exchanges Act, wabe eseboshwa khona lapho,” esho. Uqhube wathi lemali wabe eyithukuse emzimbeni wakhe ngenkathi eboshwa. Uthi wavela eNkantolo yaseVerulam mhlaka 5 october 2023, wabe esededelwa ngebheyili yemali ewu-R15 000.00. Uphethe ngokuthi u-Aziz uzovela eNkantolo yaseVerulam mhlaka 31 july 2024, kumhlangano wecala owandulela ukuqulwa kwalo (pre-trial conference). Uphenyo lwamaphoyisa luyaqhubeka.