Udilikajele kowadlwengula

UGWETSHWE  udilikajele uBongani Ngcobo oneminyaka ewu-28, emva kokulahlwa icala lokudlwengula ngoJuly 2019 , Emagubulundu, Ematimatolo. Kuvelile eNkantolo yesiFunda iGreytown ukuthi kwavulwa icala lokudlwengulwa livulwa owabe eneminyaka ewu-37, kanye nelokubanjwa inkunzi, owabe ehamba nodadewabo ngalesosikhathi yena owakhona ukuphulukundlela wabaleka. Kuphinde kwavela ukuthi lesigilamkhuba sadonsela lona wesifazane ngasemfuleni, lapho safika samdlwengula khona saphinde samuthathela nempahla yakhe okubalwa kuyo nomakhalekhukhwini. “ Kwabe sekuvulwa icala esiteshini samaphoyisa aseGreytown, icala labe selindluliselwa kuSgt Lubgisani Xaba weGreytown Family violence Child protection and Sexual offences investigation unit (FCS), owabe esephenya lelicala , owaphinda wakhona ukubopha uNgcobo , maduzane. Ngolwesine olwendlule mhlaka 29 August 2024 uNgcobo ugwetshwe udilikajele kwelokudlwengula kanye neminyaka ewu-3 kwelokubamba inkunzi. Kwesinye isigameko esingafuzanga lesi uKhomishana wesiFunda Umzinyathi uMaj-Gen Francis Slambert ubongele uWO Senzo Myeni ngokukhulu ukusebenza ngokukhulu ukuzikhandla ukuze kugwetshwe uThokozane Buthelezi oneminyaka ewu-53 , owagwaza wabulala umfowabo, eShiyani ngonyaka ofile u-2023. Kuvelile ukuthi wamgwaza amanxeba amaningi umfowabo, ube esegwtshwa iminyaka ewu-14, iNkantolo yesiFunda i-Dundee, emva kokuba elahlwe icala lokugwaza abulala umfowabo.