BEBELOKHU bewuvula njalo umpompi abantu baseNkobongweni bephuza bencoma ,bethi mahle amnandi ahlanzekile amanzi avulwe iMeya kaMasipala wesiFunda UMzinyathi u-Petros Ngubane iphelezelwa ngamakhosi namhlanje.Lamanzi abevulwa eNkobongweni akhiphe imindeni ewu-155 yalendawo osizini lokuswela amanzi. “Aqala ukufakwa ezinyangeni eziwu-12 ezedlule njengoba esephuzwa namhlanje,”esho. IMeya Mbovu iwavula inxuse umphakathi ukuba ungazixhumeli amanzi ngokungemthetho ngoba lokhu kuphazamisa ingqalasizinda. “Ompompi abakhona emphakathini njengoba bewu-58 onjiniyela bakalile bayazi ukuthi labompompi bazonenelisa nonke , ningalinge nizame ukuphazamisa loluhlelo ngoba yizo lezizinto ezidala izinkinga amanzi engabe esafika kwabanye.Amanzi enu lawa ngakho waphathiseni okwezikhali zamaNtungwa,” kusho iMeya, uNgubane.NgoLwesithathu oluzayo iMeya iyowavula eZimbubeni amanzi.Nangakini siyeza . Asifikile sigalelekile isigomagoma seNtuntuko uMbovu.
