UGWETSHWE udilikajele uZamokuhle Xaba oneminyaka ewu-34, emva kokuba elahlwe icala lokudlwengula intombazane eyabe ineminyaka ewu-19 ngonyaka ondlule (2023). UXaba ugwetshwe iNkantolo yesiFunda iGreytown. Kuvelile enkantolo ukuthi lesigameko senzeka eNhlalakahle Township, emgwaqeni iKhomba, eGreytown. Kuphinde kwavela enkantolo ukuthi umgilwa wakhuthuzwa izimpahla zakhe, washaywa wabe eseyadlwengulwa. “ Umgilwa wabikela amaphoyisa ukuthi wabe ehamba nesinqanda mathe sakhe ebusuku , ngenkathi uXaba ebasibisa bobabili, wabakhuthuza omakhalekhukhwini babo, kanti isinqandamathe sakhona ukuphulukundlela. UXaba wabe ehamba nabanye abasolwa ababili ngelanga lesigameko,” kusho umgilwa ngenkathi ethula ubufakazi. Uthe labasolwa ababili bakhona ukubaleka kanti nesinqandamathe sami sakhona ukuphulukundlela, bangishiya naye uXaba lona owabe esengidonsela ehlathini eliseduze lapho afika wangidlwengula khona ephindelela. Udaba walubika esiteshini samaphoyisa aseGreytown , kanti icala labe selindluliselwa kwi-Greytown Family Violence , Child Protection and Sexual Offences Unit (FCS),labe seliphenywa ngu-Sgt Richard Gilden, owakhona ukubopha uXaba wamyamanisa nalo lelicala. UXaba ube eselahlwa icala lokuhlwngula , ukushaya ngenhloso yokulimaza, ukubamba inkunzi kanye nokudlwengula, wabe esegwtshwa udilikajele , kwaphinde kwathiwa kasavumelekile ukuba aphathe isibhamu kanti negama lakhe lizofakwa ohlwini labadlwenguli.
