UMFU Thulasizwe Buthelezi, ungqongqoshe wezokuBusa ngokuBambisana neziNdaba zoMdabu
UNGQONGQOSHE wezokuBusa ngokuBambisana neziNdaba zoMdabu KwaZulu-Natal, uMfu Thulasizwe Buthelezi , uhlele umhlangano nobuholi bomdabu esifundazweni ngenhloso yokuzodingida ngeqhaza okumele libanjwe ngamamakhosi kwezomnotho esifundazweni.
Lo mhlangano uzobanjelwa eChamber, Old Legislative Building, oLundi, ngoLwesine lakusasa ngo-9 ekuseni.
Esitatimendeni esithunyelelwe abezindaba, uMfu Buthelezi uveze ukuthi lo mhlangano wobuholi wamakhosi nomnyango wakhe kuhloswe ngawo ukuzocacisa ngendima okumele iklanywe ngubuholi bomdabau ekuthuthukisweni komnotho ezindaweni abusa kuzona.
Uthe lokhu kuzoqinisekisa ukuthi amakhosi ayazimela nezizwe zawo ngakwezezimali futhi aqikelele ukuthi izindaba zezezimali zawo zinozinzo.
