UMASIPALA wesiFunda Amajuba usekhiphe isitatimende sokuqinisekisa abasebenzi kanye namakhansela ukuthi imihholo yabo ya nyanga zonke bazoyithola ngaphandle kwezihibe.
Ukusho lokhu emva kwezinsolo ebesezisabalele ezinkundleni zokuxhumana ezithi abasebenzi kanye namakhansela aloMasipala Amajuba angase angayitholi imihholo yawo yokuphela kwenyanga njengoba bekhungethwe zinkinga zamakhompuyutha.
“ Thina njengoMasipala wesiFunda Amajuba sithanda ukuziqhelelanisa nalezi zinsolo ebese zisabalele ezinkundleni zokuxhumana ezithi amahholo okuphela kwenyanga uFebhuwari ngeke ziwathole izisebenzi. Lokhu osekusabalele ezinkundleni zokuxhumana kungamampunge futhi kuyadukisa,” kusho oyibamba lemenenja eMajuba uMnuz Thulani Dube, eqhuba ethi uMasipala uke waba nezinselelo zokungasebenzi kahle kohlelo lwamakhompuyutha olusha okungu-Microsoft 365, okudale ukuthi singakwazi ukuthumela amameyili siphinde siwathole, singakwazi nokuthola amadokhumente nokunye ngenxa yalo loluhlelo olusha lwezobuchwepheshe.
Uqhube wathi esitatimendeni abasebenza ngezobuchwepheshe babhizi balungisa isimo (
Information and Communication Technology Team working on it), phecelezi ICT , babhizi balungisa isimo samakhompuyutha.
“ Sithanda ukukubeka sobala ukuthi noyibamba leMeya eMajuba uKhansela Thembelihle Mthembu ubengakaze atshelwe ukuthi kungase kwenzeke ukuthi izisebenzi kanye namakhansela , bangahholi ukuphela kuka Febhuwari, kodwa zona izindaba zangaphakathi bese ziputshukile,” kulanda uMnuz Dube.
Uqhube wathi esitatimendeni ubonga kakhulu ngokubekezela kwabavakashi, abasebenzi kanye nawo wonke umuntu ngokubabekezelela njengoba bekukhona lesi simo sokungasebenzi kahle kwamakhompuyutha.
“Noma ngabe inkinga ka Microsoft 365 ibikhona, kodwa ikhona indlela ebekuzoqinisekiswa ngayo ukuthi abasebenzi namakhansela bayahhola,” esho.
Uqhube wathi esitatimendeni besizoba nalo uhlelo lokuthi sithumele izisebenzi ebhange ukuze kukhululwe imihholo yazo.
“ Lokhu sikubona kuyichilo ukuthi abantu basabalalise amampunge ezinkundleni zokuxhumana,” kuqhuba uMnuz Dube.
Uthe esitatimendeni ukuthi noma ngabe ibikhona inselelo yezobuchwepheshe ICT , besingeke sibenenkinga yokuhholela izisebenzi.
Uthe esitatimendeni lokhu esibhekene nakho bekungesiyona inkinga enkulu njengoba bekusatshalaliswe ezinkundleni zokuxhumana futhi bekungenasidingo soukthi sekungaze kusatshalaliswe ngalolu hlobo.
Uphethe ngokuthi bekungenasidingo sokusabalalisa amampunge kanti uma kukhona abanemibuzo bangaxhumana noyibamba lemenenja uMnuz Thulani Dube kulezinombolo 034 329 7200 noma kulezi 077 476 6460 noma kulemeyili mm@amajuba.gov.za or sboneloc@amajuba.gov.za
