KUVULWE ngokusemthethweni isikole esiseqophelweni eliphezulu esaqanjwa ngenqalabuthu uDkt John Langalibalele Dube, KwaMashu. Lesi kole ebesivulwa sibizwa ngokuthi i-Dr JL Dube High School. “ Sibonga kakhulu ophathina bethu kanye nosomabhizinisi bendawo abafake isandla ngenkathi kwakhiwa lesikole esiseqophelweni eliphezulu. Ushoki into engasasetshenziswa ngoba kufundwa ngobuchwepheshe besimanje manje (digital), kanti nabafundi bakulesikole baphume sebeyazi ngisho ikhompuyutha imbala. UNgqongqoshe wezeMfundo esifundazweni KwaZulu-Natal, UMnu Sipho Hlomuka uthe izikole ezifana nalesi zitholakala emadolobheni kanti futhi bajabule ukuba kube khona isikole esifana nalesi elokishini. Uthe abafundi baseNewcastle nakwezinye izindawo bayakhona ukubona okufundiswa kulesikole noma beqhele ngamakhilomitha awu-491, ukusuka eNewcastle uya eThekwini. Uphethe ngokuthi kungumlando ukuthi isikole esiselokushini sifundise ngobuchwepheshe besimanje manje.
