KUNGENKATHI kucinywa umlilo emva kokuba kushone ikhehla UNGQONGQOSHE wezokuBusa ngokuBambisana neziNdaba zoMdabu, uMfu Thulasizwe Buthelezi usendlulise amazwi enduduzo, emndenini wakwagazu emva kokuba kundlule emhlabeni uMuntukabongwa Mphikeni Gazu oneminyaka ewu-67, ngesonto emva kokuba indlu yakhe ishiswe umlilo, Ezinyosini, kumasipala uMlalazi, engaphansi kwe King Cetshwayo District Municipality. Kuvelile ukuthi lomkhulu undlule emhlabeni emva kokuba kuhlasele lomlilo kulesifunda kanti futhi amathimba ezezinhlekelele asejujwe kuyo lendawo ukuyoqapha isimo. Kuphinde kwavela ukuthi nizindawo ezikhahlamezekile kakhulu, uMfolozi, uMlalazi, Mthonjaneni kanye neNkandla, kanti kundlule emhlabeni oyedwa kwalimala ababili kanzima. Kuphinde kwavela ukuthi kukhahlamezeke izakhamuzi eziwu-144, kwathi abawu-53 , basala dengwane kuhlasela lemililo yequbula. “ Imizi ewu-48 ilimalile kanti ewu-27, yona icekeleke phansi kuhlasela lemililo yequbula,” kusho uMnu Senzelwe Mzila esitatimendeni. Uphethe ngokuthi bonke abathole ukukhahlamezeka bathola usizo kuzo zonke
