UNGQONGQOSHE weZemfundo KwaZulu-Natal, uNksz Mbali Frazer, wethule usonkontileka esikoleni sezemfundo samabanga aphezulu Ohlange, ngelendlule, e-Nanda, kwisiFunda sase Pinetown, mhlaka 17 October 2023. Kuvelile ukuthi lesikole esibalulwe ngenhla sikhiqiza imiphumela emihle kanti futhi sinomlando wezepolitiki, ngoba sasungulwa owayenguMengameli we-ANC uMnu John Langalibalele Dube, kanti futhi siphinde sibe nomlando omuhle wokuthi uMengameli wokuqala wentando yeningi uDr Nelson Mandela, wavota okokuqala khona kulesikole. Uqhube wathi ngaphandle kokuvota kwayenguMengameli weZwe uDr Nelson Mandela, lesikole sesikhiqize izinqalabutho eziningi, nazo ezingasikhohliwe ngoba ziyabuyela ziyotshala kuso. Uthe lesikole sesikhiqize omama nobaba abanamagalelo amahle emlandweni weZwe, kanti futhi siyaqhubeka nokukhipha imiphumela emihle kamatikuletsheni. “ Kubalulekile ukuthi sisilungise sihlale sisesimeni esihle ngoba sidala kakhulu lesikole,” kusho yena , eqhuba ngokuthi inqalasizinda yaso ibisindala kakhulu yingakho bekubone kubalulekile ukuthi basivuselele kabusha. Uthe bakubona kubalulekile ukuthi izingane ngaba zivela emakhaya anjani kodwa zithole imfundo engcono , etholakala kuso lesikole. Uphethe ngokuthi iskole esinomlando omuhle kangaka akumele sibukeke kabi , kodwa wathi zonke izikole kumele zihlale zisesimeni esikahle futhi nesigculisayo..
