UTHELE izithelo umkhankaso wamaphoyisa wokulwisana nobugebengu obuhleliwe bokuqhekeza kanye nokubamba inkunzi kuhlonyiwe. Lokhu kulandelwa ukuthi kuboshwe umsolwa oneminyaka ewu-19, ngabaseshi base Ladysmith, phecelezi Ladysmith detective Centre kanye ne Visible Policing Unit.Kuvelile ukuthi lamaphoyisa alunywe indlebe ngamalunga omphakathi, ngabasolwa ababili ababambe inkunzi behlomile emzini thizeni, osendaweni yase Roosboom, kanti laba basolwa baboshwe endaweni yase Entondweni, lapho kuphinde kwashaqwa khona nesibhamu esingekho emthethweni. Kuphinde kwavela ukuthi lomsolwa oneminyaka ewu-19, uboshe emva kokuhluleka ukukhipha ilayisenisi yalesibhamu abesiphethe. “ Amaphoyisa aphinde aya endaweni ebizwa ngokuthi kuse Ensimbini lapho efike abopha khona umsolwa amthole nesibhamu sohlobo lwepistol, nezinhlamvu ezintathu, kanti nezinombolo zalesibhamu bezicishiwe. Kanti bobabili laba basolwa babhekene namacala okutholakala nezibhamu ezingekho emthethweni kanye nezinhlamvu. Bazovela maduzane eNkantolo kaMantshi wase Ladysmith bebhekene nawo lamacala ababoshelwe wona.
