Gambling organization Hollywoodbets continues to sponsor women’s football

INHLANGANO yezokugembula i-Hollywoodbets, iyaqhubeka ngokuxhasa ibhola lomqhudelwano wabesifazane i-COSAFA Women’s Championship, ngoba nakulonyaka ixhasile. Lenhlangano esibalulwe ngenhla iyona ehamba phambili noma ebambe iqhaza elikhulu kwezokugembula kwezemidlalo eminingi okubalwa ibhola likanobhutshuzwayo, imijaho yamahhashi njalo njalo! Lenhlangano iphinde yamemezela ukuthi izibophezela ngokuphinde ixhase iCOSAFA Women’s Championship , yakulonyaka eqale mhlaka 4 October nezophela mhlaka 15 October kwephezulu. Kuphinde kwavela ukuthi iCOSAFA Women’s Championship , sekuwunyaka wesihlanu beyixhasile beyinhlangano yokugembula. Kuvelile ukuthi imidlalo yalomqhudelwano osubalulwe ngenhla izobanjelwa eGauteng. Kuphinde kwavela ukuthi lemidlalo izobe ihlukene izigaba ezintathu noma amaqoqo amathathu okungugruphu A,B kanye no C. ” Siyaliseka kakhulu ibhola likanobhutshuzwayo labantu besifazane,” kusho uMnu Charles Nzama, ongu-Business Development Manager, eqhuba ethi ibhola likanobhutshuzwayo labesifazane linezinselelo eziningi, kanti lenhlangano izimisele ekuvaleni igebe kanye nezinselelo ezibhekane nebhola labo besifazane. Uthe bazolivala leligebe ngokuxhasa ibhola labesifazane njengoba sebexhasile i-Hollywoodbets Super League, lapho kuqhudelana khona abesifazane khona, ukuze bakwazi ukuqhudelana namazwe omhlaba. Uqhube wathi owakulonyaka umqhudelwane uzoba ngobaluleke kakhulu ngoba izwe laseZimbabwe loba likhona emva kwesikhathi eside lingayona inxenye yalemiqhudelwano, lapho lizobe ligruphini eyodwa namazwe afana ne-Botswana, Namibia kanye neLesotho. I-South Africa njengosokhaya yona izoba kugruphu A namazwe afana no Eswatini, Madagascar kanye ne-Malawi. I-Zambi kuzokhumbuleka ukuthi izobe izovikela isicoco sayo lendebe ngoba bengoshampeni. I-Hollywoodbets, ibambe iqhaza elikhulu ekuthuthukisweni kwebhola labesifazane kwisiFunda i-Southern African, emazweni amabili kwamane. Okuyi South Africa ne-Zambia, ngoba bekwazile ukuzibeka ethubeni lokubamba iqhaza emqhudelwaneni wendebe yomhlaba, 2023 FIFA Women’s Wolrd Cup. Lemidlalo izodlalwa kulezinkundla ezilandelayo: Lucas Moripe, Dobsonville kanye naseUJ, kanti amathikithi amahhala kanti futhi atholakala esangweni kulabo abafisa ukuzobuka lemidlalo ezoba inesasa.