ESITHOMBENI:uMntwana uNhlanganiso Zulu, uuMengameli weFUDUSA uMnu B.V Mhlongo kanye noMengameli we FFSA uMn J Storom.
IBUYISELA emphakathini inhlangano yabangcwabi iFuneral Directors Association of South Africa (FUDUSA). Lokhu kulandelwa ukuthi ngosuku okugujwa ngalo kuphinde kukhunjulwe owabe enguMengameli wokuqala wombuso wentando yeningi uDkt Nelson Rholihlahla Mandela. Lenhlangano yabancwabi ichithe amaminithi awu-67, ipendela abantu ekhaya lezaguga ngalolusuku olukhulu. Kuvelile ukuthi emva kokuhambela ikhaya labadala kube sekugcotshwa umengameli walenhlangano esigagulwe ngenhla. Ongumphathi wenhlangano yabangcwabi Abaqulusi uNksz Lindiwe Chagwe, ophinde abe yilunga lenhlangano i-FUDUSA , uthe babhalisiwe futhi bayaziwa iyo yonke iminyango , futhi nomnyango kahulumeni uyabazi. Uqhube wathi bahloliwe futhi banentshisekelo yokubamba igqaza elikhulu ekukhuliseni umnotho wase South Afrika. Uthe basebenza emphakathini yingakho bekubone kubalulekile ukuthi baphinde babuyisele emphakathini abasebenza kuwo “Sizibophezele ekutheni sithuthukise umphakathi,” esho. Uthe bahambele lendawo eseMbali , ePietermaritzburg, ekhaya labadala ukuze bayolekelela.
