INHLANGANO yezokugembula i-Hollywoodbets ithi ijabule kakhulu ngokubambisana nenhlangano Amashova national Classic ngoba egubha izinsuku eziwu-38 enza lomqhudelwano ( 38th Amashova National Classic), okuzoba mhlaka 20 October 2024. Kuvelile ukuthi lokhu kuzolandelwa umjaho wamaShova olundeleke ngabomvu ngoba sekuphele iminyaka ewu-20, waqalwa lomqhudelwano wamabhayisikili. Kuphinde kwavela ukuthi lomjaho uzoba ngamakhilimitha awu-106 kanti abazonqoba bazothola umklomelo osukela ku-R15 000 kuya kuR50,000, kumjaho wabesilisa kanye nabesifazane. Okhulumela lenhlangano uKuhle Mkhize uthe lomqhudelwano uzobe uhlukene izigaba eziwu-4, kwabesilisa kanye nabesifazane kanti futhi kulindeleke ukuthi abazongenele lomqhudelwano bazikhethele ukuthi bafuna ukubamba iqhaza kumuphi umjaho. Uthe bazoqhudelana kumakhilomitha alandelayo:132km, 106km, 65km kanye nawu-38km. “ Lomqhudelwano uzobe uvezwa bukhoma noma uzobe usakazwa bukhoma ku-SuperSport, lapho abantu kulindeleke ukuthi babheme bakholwe futhi bathokoze, ngoba kulindeleke ukuba uhehe izethameli eziningi ngesasa lawo,” esho. Uqhube wathi kuzobe kunezindawo lapho abazobe bengenele khona lomqhudelwano abazobe bethola khona amanzi kuze kuyofikwa entanjeni. Uphethe ngokuthi kuzobe kujatshulwe kakhulu ngalolusuku olubhekwe ngabomvu lwaMashova.
Amathimba ezimo eziphuthumayo ayalekelela emijondolo eshile i-Dakota, eSipingo
AMATHIMBA ezimo eziphuthumayo (KWAZULU-Natal Provincial Disaster Management Centre, phecelezi (PDMC), isiqalile ihlanganisa usizo oluzonikezelwa emindenimi ekhahlamezekile ngesikhathi kusha imijondolo eDakota,...
