ISIBHAMU esishaqwe kuboshwa umsolwa kwelokubulala
KUBOSHWE umsolwa oneminyaka ewu-32, emva kokuba ubethungathelwa icala lokuzama ukubulala. Kuvelile ukuthi amaphoyisa oPhiko olubizwa nge Dundee SAPS Rural Safety, iDundee Detectives kanye ne District Communication, bahambe bayothungatha umsolwa emva kokuba iNkantolo kaMantshi waseDundee ekhiphe incwadi yokuthi aboshwe lomsolwa osebalulwe ngenhla , ecaleni lokuzama ukubulala okuthiwa wakwenza eDlamini, eDundee, ngoFebruary. Kuphinde kwavela ukuthi lomsolwa ubevele efuneka , amaphoyisa abe eselunywa indlebe yokuthi umakuophi nendawo abe esegasela khona izolo mhlaka 1 June 2024, lapho efike ambopha khona, endaweni yokuqeda ukoma kwaMdakane, engaphansi kwaseDannhauser, okuthe uma efika kuye amthola nesibhamu esingekho emthethweni okukholakala ukuthi isona asisebenzisa ngenkathi ezama ukubulala , ngaphambi kokuba ashaye utshani. Kulindeleke ukuba avele eNkantolo kaMansthi wase Dundee , ebhekene nalo icala lokuzama ukubulala maduzane kanye nokutholakala kwesibhamu esingekho emthethweni nezinhlamvu.
