UMNYANGO weZemfundo ubambisane nomasipala waseMajuba uhloniphe waphinde waklomelisa abafundi abaphase kahle umatikuletsheni wabo wango-23, obubhala u-2023 National Senior Certificate(NSC). Kuvelile ukuthi yingakho leminyango emibili becabange ukuthi bababonge bonke ababambe iqhaza ekutheni labafundi baphase ngamalengiso nanxa bezikhona izinselelo nezinqinamba abafundi nabazali abebebhekene noayo kodwa bakwazile ukuphumelela. UMeya woMkhandlu Amajuba uMntwana Ndabuko Zulu, uthe babonga izikole ezisemakhaya eziphase kahle nanxa zibhekene nobubha bokuswela izinsizakufund akodwa lokh akubanqandanga ukuba baphumelele ezifundeni zabo zokuphela konyaka. Uthi ukubambisana phakathi kwabafundi, othisha , abazali, isigungu esibhekelela abazali ezikoleni (SGB) Kanye nezinye izinhlaka babambe iqhaza elikhulu ekutheni abafundi baphase ngamalelingiso. Ubonge kakhulu umnyango Kanye nesifunda sezemfundo Amajuba ngokulekelela kakhulu othisha nabantwana ukuba benze kahle ezifundweni zabo. Ekhuluma nababe hambele lomcimbi wokuklomelisa abantwana uthe ubonga kakhulu ukuholwa ngowayengumsunguli noMengameli weqembu IFP ngezeluleko zakhe nezimfundiso zokwazisa abantu, Kanye nekuletha imfundo encono esizweni. Uphinde wangcoma ophathiswe lomnyango weZemfundo esiFundazweni Unksz Mbali Frazer ngokubamba iqhaza elikhulu ekufundeni kwesizwe. Uphinde wanxusa zonke izinhlaka ezibambe iqhaza elikhulu kwezemfundo ukuba lingapheli moya liqhubeke nokuxhasa abafundi bakuleli. Abafundi baklonyeliswe ngezitifiketi, amalaptop Kanye nezindondo labo abenze kahle. Kanti kuvelile ukuthi izinkomishi bezingu-316 kanti uMeya uMntwana Ndabuko Zulu uphinde wakuveza ukuthi usethathe isikole iNgcaka Combined yaseMadlangeni wayifaka ngaphansi kwakhe (adpted Ncgaka Combined School), eqhubekayo nemiphumela emihle. Ube eseyiklomelisa ngemali engu-R10 000, ilaptop Kanye nomakhalekhukhwini. Uthe ngikwenza lokhu ngoba lesi kole siyaqhubeka ngokuphasa ngamalengiso iminyaka ilandelana sizitholela amaphesenti angu-100. Uphethe ngokubonga abaxhasi abafana neNyatee Foundation, Old mutual Kanye noMTN abahlala besiza ngaso sonke iskhathi ekuqinisekiseni ukuthi abafundi bathola imfundo engcono. Lemilkomelo ibiyenzelwe esikoleni samabanga aphezulu iFerrum nayo edle umhlanganiso ngokuthi iklonyeliswe emikhakheni eyahlukahlukene. Uphethe ngokubonga kakhulu umatikuletsheni wangonyaka ophelile ngokukhala wenyuke namaphesenti angu-87, walala isithathu esiFundazweni.
