NGABADLE umhlanganiso ngenkathi kuklonyeliswa amaphoyisa asebenza kahle.Isithombe.SITHUNYELWE
KUQOPHEKE umlando amaphoyisa asesiFundeni uMzinyathi siqoqa izindondo ezine ngenkathi bekuklonyeliswa amaphoyisa asebenza ngokuzimisela emcimbini obubanjelwe e-Durban International Convention Centre ngoLwesihlanu olwendlule.
Kubikwa ukuthi amaphoyisa asesiFundazweni saKwaZulu-Natal abeklonyeliswa emikhakheni eyisikhombisa (Excellence Awards), eyahlukene kwathi isiFunda uMzinyathi saziqoqela izindondo emikhakheni emine
“ Abasebenzela ezokuphepha kusiFunda uMzinyathi (SAPS) , bayazigqenya ekutheni abayisithupha babe yingxenye yabaklonyeliswe emikhakheni ephezulu emithathu esiFundazweni saKwaZulu-Natal,” kusho okhulumela isiFunda uMzinyathi naye oklonyelisiwe uConstable Siyabonga Nkwanyana.
Abaqokiwe bakusiFunda uMzinyathi baklonyeliswe kulemikhakha: Administration Employee of the Year (Level 1–4): Driver-Nkosenye Mshibe – Dundee SAPS
FCS Investigator of the Year (Level 8–12): Captain Koghan Naidoo – Greytown FCS
Sportswoman of the Year: Constable Thabi Phungula – Dundee SAPS
Man of the Year: Constable Siyabonga Nkwanyana – District Office
Imikhakha obekuklonyeliswa ngaphansi kwayo ilena elandelayo:
*Administration Employee of the Year (Level 1–4)
* Administration Employee of the Year (Level 8–12)
* FCS Investigator of the Year (Level 8–12)
*FCS Investigation Team of the Year
* Sportswoman of the Year
* Woman of the Year
* Man of the Year
UKhomishana wamaphoyisa kwisiFunda uMzinyathi uMajor-General Francis Slambert uthe esitatimendeni , ehalalisela amaphoyisa aklonyelisiwe, asiqhubekani sisebenzeni ngokukhulu ukuzimisela , singalehlisi izinga eliphezulu esisebenza ngalo futhi siqhubeke sisize izakhamizi.
Uthe esitatimendeni ngonyaka ophelile sasiqokelwe emikhakheni eyisithupha kodwa sakwazi ukuklonyeliswa kwemithathu.
“Lokhu esikuzuze kulonyaka kukhulu kakhulu, asiqhubekeni ngokusebenza ngokukhul;u ukuzinikela nokuzimisela futhi silikhuphule kakhulu izinga lokusebenza,” esho esitatimendeni.
Uphethe ngokubongela bonke labo abaqokwa kanye nalaba abadle umhlanganiso ngenkathi kunalemiklomelo.
