NGANGINGAZI ukuthi ngizogcina senguwumlingisi oqavile ngoba mina ngangingumdlali webhola futhi iphupho lami kwakunguzibona sengidlalela elinye lamaqembu asezingeni eliphezulu. Lana ngamazwi ashiwo nguMnu Thembinkosi Gerald Chagwe ongumlingisi oqavile manje owazalelwa endaweni yase Surry Farm , eDannhauser, eNyakatho neKwaZulu-Natal, manje osehlala eGoodgeluk. Kuvelile ukuthi lomlingisi umnu Chagwe wayengumdlali webhola esemncane futhi waqala imfundo yamabanga aphansi e-Spookmill Primary, wandlulela eMpala Hi wayoyophothula umatikuletsheni wakhe eMziwethu High, eMbabane, eShepstone Lake khona eDannhauser. Uthe kwabakhona uthisha oyedwa owathi kimi Bhashin okwakuyigama aqanjwa lona ngoba wayedlalisa okomdlali owaduma uBhashin Mahlangu, uMnu Mlungisi Khumalo owathi angimphelekezele siye eNelspruit eMpumalanga ngoba kwakukhona isiqephu afuna ngidlale kuso , ngavuma nami sahamba. Uqhube wathi bathe uma befika eMpumalanga wamnika olayini abambalwa wathi kuye uzolingisa lona owabe enguMengameli wokuqala wentando yeningi uMnu Nelson mandela. “ Ngafunda leyomigqa isikhashana kodwa ngamtshela ukuthi angikaze ngilingise empilweni yami ngoba ngangizidlalela ibhola,” esho. Uthe abantu abawuvalanga umlomo injabulo ngendlerla engalingisa ngaywe owabe enguMengameli wezwe osebalulwe ngenhla. Uqhube wathi sathi uma sibuya ngonyaka u-2001, kwabakhona omunye uMnu Mfanafuthi Mdlalose aka Fufu, owathi kimi Bjashin kunoMnu Bongani Linda ofisa ukukubona , kodwa ongasekho , owathi mfana ngifisa ukuhamba nawe siye eJozi (Johannesburg), uyodlalela iqembu lami lebhola i-Orlando Kwaitos. Uthe ngavuma ngathi ayikho inkinga sohamba ngoba ibhola kwakuyinto yami. “Wajika endleleni uMnu Linda wathi kimi ngifuna ukuthi ulingise owabe eyiLembe uShaka ,ngamtshela ngathi angikwazi ukulingisa ube esenginika omunye umfana wathi akangiqeqeshe okwakunguMnu Meshack Mavuso (Javas) , nempela ngaluthola uqeqesho kuye. Uthe kusukela lapho angiphindanga ngabheka emuva, saqala sahamba izindawo siya kwamanye amazwe afana Grahams town National arts festival ,abantu bengijabulela ngekhono lokulingisa iLembe. “ Kulesosikhathi abantu babengibuza ukuthi ngihlobene yoini noHenry Cele naye owabe engumlingisi oqavile,” esho. Uqhube wathi ngabatshela ukuthi asihlobene kodwa bathi ngiyafana naye futhi ngilingisa njengaye. “ Saqala sahambela izindawo ezifana noGhana noBelgium silingisa khona nekhono lami lokulingisa lakhula lapho.,” elanda. Uqhube wathi bebehambela izindawo ezifana VSTC ,Victory Sonqoba Theatre Company, ngaphinde ngavela kumabonakude kuMzansi channels , ngivela kumdlalo iSitha ngiyinkabi (Hitman ), naku Diep City ngingu Manyambane isigebengu. Uthe ngidlalile e Pretoria State Theatre, ngilingisa ukuba yiNkosi uSsiShaka akaShayeki umfo kaSenzangakhona. Uthe kumanje uyalingisa kumdlalo otholakala kuYou Tube osihloko esithi Love and Revenge, lapho ngiyibhoza yezigebengu khona futhi igama abangibiza ngalo khona nginguNsimbi. Uthe uzobhema ukholwe uma ungabukela lomdlalo esiwenzayo. Uma ufuna ukusibona ungangena ku https:youtu./ZwgqApGuSRI?si=K88xL3LLoUVT_Dcp.
