UBHEKI Buthelezi oneminyaka engu-47, ugwetshwe udilikajele iNkantolo yesiFunda i-Dundee, emva kokulahlwa icala lokubulala, ngelendlule. Kuvelile enkantolo ukuthi ngonyaka 2022 February, kwavulwa icala lokubulala esiteshini samaphoyisa ase-Glencoe, emva kokuba uButhelezi ahlasela umgilwa kubowakhe, ezilelele wafika wamgwaza amanxeba amaningi ngaphambi kokuba abaleke. Okhulumela amaphoyisa esiFunda Umzinyathi, uConst Siyabonga Nkwanyane, uthe esitatimendeni, umgilwa wabe elele ngenkathi uButhelezi engena efika emgwaza amahlandla amaningi, ngaphambi kokuba ashaye utshani. Uthe emva kokuba icala selivuluwe labe sekujutshwa uCapt Maharaj ukuba aliphenye, wabe eseliqhuba uphenyo lwakhe. Uqhube wathi uButhelezi wabaleka iskhathi eside ebalekela ingalo yomthetho kodwa ekugcineni ngokusizwa ngowaluma indlebe amaphoyisa, uButhelezi waboshwa ebhace Empangeni. UButhelezi wavela enkantolo okuyilapho alahlwa khona icala lokugwaza nokubulala wabe esegwetshwa udilikajele yinkantolo yesiFunda mhlaka 2 November 2023.
