UMNYANGO weZemfundo KwaZulu-Natal, ufisa ukuqinisekisa ukuthi ziwu-20 izikole ezikhahlamezwe izimvula ezinamandla ebezihambisana nesiphepho kusukela kuleliviki. Okhulmela uMnyango weZemfundo KwaZulu-Natal, uMnu Muzi Mahlambi uthe bewumnyango bafisa ukuqinisekisa ukuthi kusahlonzwe izikole eziwu-20, ezikhahlanyezwe zimvula ezinamandla ebezihambisana nesiphepho, zashiya ezinye zingenaphahla. Ukuvezile ukuthi isikole esikhahlamezekile kakhulu Isithayithi Combined, lokho okwenze ukuthi basuse abafundi bebanga likagrade-10,11 kanye no-12 , ngoba lenhlekelele yenzeke besabhala izivivinyo zaphakathi nonyaka. Uphinde wakuveza ukuthi laba bafundi balamabanga asebalulwe ngenhla bathuthelwe e-Anton Lembede, lapho bezoqhubeka khona nezivivinyo zabo. “ Okwamanje sisahlela ukuhambisa amakilasi angomahamba nendlwano awu-56, ngokulandela lesibalo esisitholile kuleziFunda ezikhahlamezekile ngenkathi kuhlasela inkanyamba,” esho. Uqhube wathi bayaqhubeka nokuxhumana nezifunda ukuze bazi ngokuqhubekayo.
