I-Nyatee Foundation iklomelise abafundi abaphase ngamalengiso umatikuletsheni wangonyaka ondlule-2023, ngamalaptop, omakhalekhukhwini (smartphones), asezingeni eliphezulu! Balishumi abafundi basesiFundeni Amajuba abaphase okundlula abanye abahlomulile ngenkathi bekuzoklonyeliswa abafundi emcimbini obubanjelwe eFerrum High School izolo mhlaka 22 February 2024. Lokuklonyeliswa kwabafundi bekuhlangene bokuklonyeliswa kwabafundi abaphasa ngamalengiso, izikole eziphase kahle ezifundweni ezahlukene kanye nezikhombise ukwenza kahle uma kuqhathaniswa nesikhathi esiphambili. Kuvelile ukuthi iNyatee Foundation ixhasa nje ngoba ibeka eqhulwini ezemfundo kuleli ngoba iyaxhasa kakhulu uma kuyiwa ezikoleni kanye nabantu abasuke sebephasile beyofunda ezikhungweni zemfundo ePhakeme. INyatee ayigcinanga ngokukhipha amalaptop angu-10 kanye nomakhalekhukhwini abasezingeni eliphezulu kodwa baphinde baklomelisa umfundi waseMana ngelaptop lokho okusho ukuthi bakhiphe amalaptop ayishumi nanye (11), ngoba babethembisile ukuthi bazobaklomelisa abafundi. Abebendlulisa lemiklomelo bekukhona kubo uChief Executive Officer weNyatee Foundation uMnu Boitumelo Huma, kanye namanye amalunga alenhlangano esibalulwe ngenhla. Ngonyaka owendlule yona lenhlangano yanikela ngeziphontshi amathoyizi kanye nezitulo kwenye yezinkulisa ezise Annievale Farm eDannhauser eNyakatho neKwaZulu-Natal, ngoba bebeka imfundo phambili. Iphinde yagixabeza abafundi abalishumi ngezikhwama zesikole.
